Ingalaterrako selekzioak joan den ostiralean, irailaren 16an, Mendizorrotzan (Gasteiz) jokatutako nazioarteko lagunarteko partida irabazi du. Partida zirraragarria eta parekatua izan zen hasieratik, eta Ingalaterrako selekzioaren alde egin zuen azken-aurreko jokaldian, Euskal Selekzioak berdinketa lortzeko denborarik gabe.
Mendizorrotzako harmailak, eserleku gutxi libre zituenak, maila handiko partiduaz gozatzeko aukera izan zuen. Joan Albellak zuzendutako selekzioak, ekainean Brnon jokatutako EU Nations txapelketan 4. postua lortu zuenak, irudi bikaina eskaini zuen partidako 32 minutuetan zehar, bere jokalarien artean gol banaketarekin.
Bertan izan ziren Gorka Iturriaga (Eusko Jaurlaritzako Kirol zuzendaria), Eukeni Martínez (Gasteizko Udaleko Kirol zuzendaria) eta Igor San Román (Euskal Selekzioen Zuzendari-Arduraduna), eta Mari Paz Ruiz eta Javier Sáez, Euskadiko Igeriketa Federazioko Lehendakariordea eta Presidentea, hurrenez hurren.
Azkenik, eskerrak eman nahi dizkiegu Lautada Waterpoloko laguntzaileei eta Arabako Igeriketa Federazioko Juan Miramoni, ekitaldia behar bezala garatzeko izan duten inplikazioagatik.

Argazkia: bi selekzioen familia argazkia partida bukatzean, bertaratutako agintariekin batera.

Eskerrik asko guztioi etortzeagatik!