Larunbatean, urtarrilak 25, 2020ko Euskal Herriko Kopako Final Four partiduak jokatu ziren Donostiako Paco Yoldi igerilekuan. Bidasoa XXI eta Urbat IKE izan ziren txapeldun emakumezkoen eta gizonezkoen mailan, hurrenez hurren. Javi Saez, Federazioko presidentea, eta Iñaki de Santos, CW Donostiako presidentea, izan ziren sari banaketaren arduradunak.

Emakumezkoen lehiaketan, Bidasoa XXI eta Urbat IKE heldu ziren finalera Claret Askartza eta Leioa WLB B taldeen aurka irabazi ostean finalerdietan. Brontzezko dominaren partiduan, Sakonetako neskak izan ziren irabazle, eta klaretarrak laugarren postua eskuratu zuten. Finalean, Bidasoa XII lortu zuen garaipena partida estu baten ondoren.

Beste aldetik, gizonezkoen lehiaketan, Urbat IKE eta WP9802 izan ziren finalerako txartela lortu zuten taldeak, etxeko CW Donostia eta nafarroako CD Larraina taldeei irabazi ostean. Hirugarren postuaren lehian, etxekoentzat izan zen garaipena. Azkenik, Urbat IKE izan zen kopako txapeldun WP9802-ri irabazi ostean final eder batean.

2020ko EH KOPAKO EMAITZA GUZTIAK:

EMAKUMEZKOEN EH KOPA

(Finalerdia) Bidasoa XXI 11-5 Claret Askartza

(Finalerdia) Leioa WLB B 7-10 Urbat IKE

(3. eta 4. postua) Leioa WLB B 13-8 Claret Askartza

(Finala) Bidasoa XXI 7-6 Urbat IKE

GIZONEZKOEN EH KOPA

(Finalerdia) CD Larraina 8-12 WP9802

(Finalerdia) CW Donostia 8-11 Urbat IKE

(3. eta 4. postua) CW Donostia 15-13 CD Larraina

(Finala) WP9802 10-12 Urbat IKE